kung niabot ka

18Mar09

kung ikaw niabot para sa sunod nga sulat
sayop ang lugar nga imong giadtuan
napudpod na ang tumoy sa akong lapis
ug dugay ng naupos ang papa
wala nakoy maingon kanimo
aron ikaw makasabot
gisayang lang nimo ang imong pag-anhi
kay wala nay mudasig pa kanako
kanimo, wala na ang akong panagsaong gana
mohatag ko dili na ug mga kasakit kanimo
apan kahilom nga imong handumon
mapasaylo ba ko nimo
nga ikaw mulakaw kauban kamot nga walay dala?
unta nitawag ka samtang ako naghulat
aron ikaw makahibalo ka
nga dili nako
musulat pa kanimo.

Advertisement

Filed under: Cebuano Poems   |  Leave a Comment
Tags: sulat